Pa-ing

Moochhon ki dhoop-chhaon
Chaudhe -kaale chashmey ke frame
Purani helmet
Aur uss sey bhi puraana
Bajaj ka scooter.
Honton pe Rafi ka gaana
Chaudhvin ke chand ko-
Chaudhri ka saand bulaana.
Kitna amazing hota thha
Office se Papa ka aana.

Sunday ki hoti thhi
Alag hi novelty
Aath chaalis ka bulletin
Aur nau baje ki feature film
Raat ki sair ka maqsad
Thha sirf ice cream
Ek ke badle mein
Do candies ka mil jaana
Kitna amazing hota thha
Papa ke saath Sunday bitaana.

Toast pe kabhi banti thhi
Jam se aankhein
Toh kabhi milta thha
geography lesson- Rotiyon pe
TDK tapes ki mili hai
Ek lohe ke trunk mein inheritance
Chhote se harmonium pe
Kabhi SD, toh kabhi RD ban jaana
I wish thhoda aur ho paata
Papa ke saath waqt bitaana.